ਕੀ ਸਿੱਖੀ ਵਿੱਚ ਮਾਲ਼ਾ
ਦਾ ਕੋਈ ਮਹੱਤਵ ਹੈ?
੨ ਜੇ ਮਾਲਾ ਦਾ ਕੋਈ ਮਹੱਤਵ ਨਹੀਂ ਹੈ ਤਾਂ ਫਿਰ ਸਿੱਖ ਕਿਉਂ ਮਾਲਾ ਘਮਾਉਂਦੇ
ਹਨ?
੩ ਕੀ ਲੁਕਾਅ ਕਿ ਮਾਲ਼ਾ ਫੇਰਨੀ ਚਾਹੀਦੀ ਹੈ?
੪ ਕੀ ਮਾਲਾ ਧਾਗੇ, ਲੋਹੇ ਜਾਂ ਕਿਸੇ ਹੋਰ ਧਾਤ ਦੇ ਬਣੇ ਹੋਏ ਖਾਸ ਮਣਕਿਆਂ
ਦੀ ਹੋਣੀ ਚਾਹੀਦੀ ਹੈ?
੫ ਗਲ਼ੇ ਤੋਂ ਪ੍ਰਮਾਤਮਾ ਦੇ ਨਾਮ ਨੂੰ ਉਚਾਰਨ ਕਰਨਾ ਹੀ ਰੱਬੀ ਮਾਲ਼ਾ ਹੈ ਇਸ
ਦਾ ਭਾਵ ਅਰਥ ਹੈ ਕਿ ਅਸੀਂ ਆਪਣੇ ਗਲ਼ੇ ਤੋਂ ਜੋ ਬੋਲਦੇ ਹਾਂ ਉਸ ਵਿੱਚ ਪ੍ਰੇਮ-ਮਿਠਾਸ ਤੇ ਪ੍ਰੋਢਤਾ
ਹੋਣੀ ਚਾਹੀਦੀ ਹੈ। ਅਧੂਰੇ ਗਿਆਨ ਤੇ ਤਰਕ ਹੀਣ ਦਲੀਲਾਂ ਨਹੀਂ ਹੋਣੀਆਂ ਚਾਹੀਦੀਆਂ।
੬ ਅਧਿਆਪਕ ਪੜ੍ਹਾ ਰਿਹਾ ਹੈ, ਡਾਕਟਰ ਦਵਾਈ ਦਸ ਰਿਹਾ ਹੈ ਇੱਕ ਕੋਚ
ਖਿਢਾਰੀਆਂ ਨੂੰ ਖੇਢ ਦੇ ਵਲ਼ ਸਮਝਾ ਰਿਹਾ ਹੈ ਤਾਂ ਕਿਹਾ ਜਾ ਸਕਦਾ ਹੈ ਇਹ ਲੋਕ ਆਪਣੇ ਆਪਣੇ ਕਿੱਤੇ
ਦੁਆਰਾ ਬੋਲਣ ਦੀ ਜੋ ਸਹੀ ਪ੍ਰਕਿਰਿਆ ਨਿਭਾਅ ਰਹੇ ਹਨ ਤਾਂ ਇਹ ਕੁਦਰਤੀ ਮਾਲ਼ਾ ਹੀ ਫੇਰ ਰਹੇ ਹਨ। ਭਾਵ
ਕਿ ਆਪਣੇ ਕਰਮ ਦੀ ਮਾਲਾ ਫੇਰ ਰਹੇ ਹਨ।
੭ ਲੁਕਾ ਕੇ ਮਾਲ਼ਾ ਫੇਰਨ ਲਈ ਖਾਸ ਕਿਸਮ ਦੀ ਗੁਥਲੀ ਗਊ ਦੇ ਮੂੰਹ ਵਰਗੀ ਬਣਾਈ
ਹੁੰਦੀ ਹੈ ਕਿ ਮਾਲਾ ਦੇ ਮਣਕੇ ਜ਼ਮੀਨ ਤੇ ਨਾ ਲੱਗਣ ਦੂਜਾ ਕਿਸੇ ਨੂੰ ਪਤਾ ਨਾ ਲੱਗੇ-ਇਹ ਦੋਵੇਂ
ਗੱਲਾਂ ਵਹਿਮ ਅਤੇ ਵਿਹਲੇ ਰਹਿਣ ਦੀ ਆਦਤ ਨੂੰ ਜਨਮ ਦੇਂਦੀਆਂ ਹਨ। ਫਿਰ ਸਮਝ ਵਿੱਚ ਆਉਦਾ ਹੈ ਕਿ
ਹੱਥਾਂ ਨਾਲ ਆਪਣੀ ਕਿਰਤ ਵਲ ਧਿਆਨ ਦੇਣਾ ਹੈ ਨਾ ਕਿ ਫੋਕਟ ਦੇ ਕਰਮ ਕਰਨੇ ਹਨ। ਅੱਜ ਕਲ੍ਹ ਤਾਂ ਭਾਰਤ
ਵਿੱਚ ਮੇਜ਼ ਦੇ ਥੱਲੇ ਦੀ ਹੱਥ ਕਰਕੇ ਰਿਸ਼ਵਤ ਲਈ ਜਾਂਦੀ ਹੈ ਭਾਵ ਰਿਸ਼ਵਤ ਲੁਕਾ ਕੇ ਫੜਾਈ ਜਾਂਦੀ ਹੈ।
੭ ਜ਼ਬਾਨ ਨਾਲ ਰੱਬ ਦੀ ਸਿਫਤੋ ਸਲਾਹ ਕਰਨ ਤੋਂ ਮੁਰਾਦ ਹੈ ਕਿ ਜਿਹੜਾ ਕਿੱਤਾ
ਸਿੱਖਿਆ ਹੈ ਉਸ ਦੀ ਵਿਆਖਿਆ ਸਹੀ ਢੰਗ ਤਰੀਕੇ ਨਾਲ ਕੀਤੀ ਜਾਏ। ਸਹੀ ਰਾਏ ਦੇਣੀ ਅਤੇ ਸਹੀ ਜ਼ਬਾਂਨ ਦੀ
ਵਰਤੋਂ ਕਰਨ ਤੋਂ ਹੈ।
੮ ਮਾਇਆ ਦੇ ਪ੍ਰਭਾਵ ਤੋਂ ਬਚਣ ਦੀ ਤਾਗ਼ੀਦ ਕੀਤੀ ਗਈ ਹੈ—ਉਹ ਸਭ ਕੁੱਝ ਮਾਇਆ
ਦੇ ਅਧੀਨ ਆਉਂਦਾ ਹੈ ਜਿਹੜਾ ਸਾਨੂੰ ਹਕੀਕੀ ਮਾਰਗ ਤੋਂ ਉਖੇੜਦਾ ਹੈ—ਹਕੀਕਤ ਦੀ ਸਮਝ ਆਉਣ `ਤੇ ਮਨੁੱਖ
ਉਲਝਣਾਂ ਤੋਂ ਬਚ ਜਾਂਦਾ ਹੈ।
੯ ਧਾਗੇ, ਲੋਹੇ ਜਾਂ ਕਿਸੇ ਹੋਰ ਧਾਤ ਦੀ ਬਣੀ ਹੋਈ ਮਾਲ਼ਾ ਦਾ ਸਿੱਖ ਸਿਧਾਂਤ
ਵਿੱਚ ਕੋਈ ਥਾਂ ਨਹੀਂ ਹੈ।
੧੦ ਏਡੇ ਵੱਡੇ ਉਪਦੇਸ਼ ਹੋਣ ਕਰਕੇ ਵੀ ਸਿੱਖ ਅਗਿਆਨਤਾ ਵੱਸ ਦਿਨੇ ਰਾਤ ਮਾਲ਼ਾ
ਘਮਾਉਣ ਨੂੰ ਹੀ ਪਰਮ ਧਰਮ ਸਮਝੀ ਬੈਠੇ ਹਨ।
੧੧ ਅਸਲ ਮਾਲ਼ਾ ਸਹੀ ਸਮੇਂ ਦੀ ਪਾਬੰਧੀ, ਕਿਰਤ ਕਰਨੀ, ਸਹੀ ਵਿਚਾਰ ਰੱਖਣੇ,
ਆਪਣੇ ਕਿੱਤੇ ਪ੍ਰਤੀ ਜਵਾਬ ਦੇਹ ਹੋਣਾ ਵੱਢੀ ਖੌਰੀ ਤੋਂ ਬਚੇ ਰਹਿਣਾ ਹੀ ਅਸਲ ਮਾਲ਼ਾ ਹੈ।
ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਕਿਸੇ ਵੀ ਗੁਰਦੁਆਰੇ ਦੀ ਦੁਕਾਨ `ਤੇ
ਮਾਲਾ ਨਹੀਂ ਵਿਕਣੀ ਚਾਹੀਦੀ ---
